daayam paDaa huaa tere dar par nahiin huuN main


daayam paDaa huaa tere

'daayam paDaa huaa tere dar par nahiin huuN main

Khaak aisii zindagii pe ke paththar nahin huN main

kyuuN gardish-e-mudaam se ghabara na jaye dil

insaan huuN, pyaalaa-o-saaGar nahin huuN main

yaarab! zamaanaa mujh ko miTaataa hai kis liye

lauh-e-jahaaN pe harf-e-mukarrar nahin huuN main

had chaahiye sazaa men uquubat ke waaste

aaKhir gunaahagaar huuN, kaafir nahin huuN main

kis waaste aziiz nahiin jaanate mujhe

laal-o-zumaruud-o-zar-o-gauhar nahin huuN main

rakhate ho tum qadam merii aaNkhon se kyuun dareG

rutabe men mahr-o-maah se kamatar nahin huuN main

karate ho mujhako manaa-e-qadam_bos kis liye

kyaa aasmaaN ke bhii baraabar nahin huuN main

'Ghalib' wazifaa Khwaar ho, do shaah ko duaa

wo din gaye ki kahate the "naukar nahiin huuN main"'


Submit By: AAMiR
Number: +923015780163
Words: 809
Time: 6/20/2010 8:18:23 AM

Advertisements

Users Comments

| Add Comments

Your Name  
E-mail    

 

Enter the code shown: