Parveen Shakir SMS


Total: (10)

Parveen Shakir SMS Collection / urdu Parveen Shakir SMS, Hindi Parveen Shakir SMS, English Parveen Shakir SMS, New Parveen Shakir SMS, Best Parveen Shakir SMS, Latest Parveen Shakir SMS

Advertisements



 
hamare darmiyan

hamare darmiyan aisa koi rishta nahin tha
tere shanon pe koi chat nahin thi
mere zimme koi angan nahin tha
koi wada teri zanjir-e-pa banane nahin paya
kisi iqrar ne meri kalai ko nahin thama
hawa-e-dasht ki manind
tu azad tha
raste teri marzi k tabe the
mujhe bhi apni tanhai pe
dekha jaye to
pura tasarruf tha
magar jab aj tu ne
rasta badla
to kuch aisa laga mujh ko
k jaise tu ne mujh se bewafai ki

Submit By: sajjad hayder
See Complete SMS
main kachi nind main hun

main kachi nind main hun
aur apne nim khwabida tanaffus main utarti
chandani ki chap sunti hun
guman hai
aj bhi shayad
mere mathe pe tere lab
sitare sabat karte hain

Submit By: sajjad hayder
See Complete SMS
dil ka kya hai

dil ka kya hai wo to chahega musalsal milana
wo sitamgar bhi magar soche kisi pal milna
wan nahin waqt to ham bhi hain adim-ul-fursat
us se kya kahiye jo har roz kahe kal milna
ishq ki rah k musafir ka muqaddar malum
dasht-e-ummid main andeshe ka badal milna
daman-e-shab ko agar chak bhi kar len to kahan
nur main duba hua subah ka anchal milna

Submit By: sajjad hayder
See Complete SMS
dasht-e-shab par dikhai kya dengi

dasht-e-shab par dikhai kya dengi
silawaten roshani main ubhrengi
ghar ki diwaren mere jane par
apni tanhaiyon ko sochengi
ungaliyon ko tarash dun phir bhi
adatan us ka nam likkhengi
rang-o-bu se kahin panah nahin
khwahishen bhi kahan aman dengi
ek khushbu se bach bhi jaun agar
dusari nikahaten jakar lengi
khirkiyon par dabiz parde hon
barishen phir bhi dastaken deng

Submit By: sajjad hayder
See Complete SMS
chehra mera tha nigahen us ki

chehra mera tha nigahen us ki
khamushi main bhi wo baten us ki
mere chehre pe gazal likhti gain
sher kahti hui ankhen us ki
shokh lamhon ka pata dene lagin
tez hoti hui sansen us ki
aise mausam bhi guzare ham ne
subhen jab apni thin shamain us ki
dhyan main us k ye alam tha kabhi
ankh mahtab ki yaden us ki
faisala mauj-e-hawa ne likkha
andhiyan meri baharen us ki
nind is soch se tuti aksar
kis tarah katati hain raten us ki
dur rah kar bhi sada rahti hai
mujh ko thame hue bahen us ki

Submit By: sajjad hayder
See Complete SMS
barish hui to phulon

barish hui to phulon k tan chak ho gaye
mausam k hath bhig k saffak ho gaye
badal ko kya khabar k barish ki chah main
kitne buland-o-bala shajar khak ho gaye
jugnu ko din k waqt pakarne ki zid karen
bache hamare ahad k chalak ho gaye
lahra rahi hai barf k chadar hata k ghas
suraj ki shah pe tinak bhi bebak ho gaye
suraj dimag log bhi iblag-e-fikr main
zulf-e-shab-e-firaq k pechak ho gaye
jab bhi garib-e-shahar se kuch guftagu hui
lahaje hawa-e-sham k namnak ho gaye
sahil pe jitne abguzida the sab k sab
dariya k rukh badalte hi tairak ho gaye

Submit By: sajjad hayder
See Complete SMS
badban khulne se pahle ka ishara dekhna

badban khulne se pahle ka ishara dekhna
main samandar dekhti hun tum kinara dekhna
yun bicharna bhi bahut asan na tha us se magar
jate jate us ka wo mur k dubara dekhna
kis shabahat ko liye aya hai darwaze pe chand
ai shab-e-hijran zara apna sitara dekhna
aine ki ankh hi kuch kam na thi mere liye
jane ab kya kya dikhayega tumhara dekhna

Submit By: sajjad hayder
See Complete SMS
apni ruswai tere nam ka charcha dekhun

apni ruswai tere nam ka charcha dekhun
ek zara sher kahun aur main kya kya dekhun
nind a jaye to kya mahfilen barpa dekhun
ankh khul jaye to tanhai ka sahra dekhun
sham bhi ho gai dhundhala gai ankhen bhi meri
bhulnewale main kab tak tera rasta dekhun
sab ziden us ki main puri karun har bat sunun
ek bache ki tarah se use hansta dekhun
mujh pe cha jaye wo barsat ki khushbu ki tarah
ang ang apna usi rut main mahakta dekhun
tu meri tarah se yakta hai magar mere habib
ji main ata hai koi aur bhi tujh sa dekhun
main ne jis lamhe ko puja hai use bas ek bar
khwab ban kar teri ankhon main utarta dekhun
tu mera kuch nahin lagta hai magar jan-e-hayat
jane kyon tere liye dil ko dharakta dekhun

Submit By: sajjad hayder
See Complete SMS
Ajib tarz-e-mulaqat ab k bar rahi

tumhin the badle hue ya meri nigahen thin
tumhari nazron se lagta tha jaise meri bajaye
tumhare ghar main koi aur shakhs aya hai
tumhare ohad ki denen tumhen mubarak
so tum ne mera swagat usi tarah se kiya
jo afsaran-e-hukumat k aitaqad main hai
takallufan mere nazdik a k baith gaye
phir ehtamam se mausam ka zikr cher diya
kuch us k bad siyasat ki bat bhi nikli
adab par bhi koi do char tabsare faramaye
magar na tum ne hamesha ki tarah ye pucha
kya waqt kaisa guzarta hai tera jan-e-hayat
pahar din ki aziyat main kitni shiddat hai
ujar rat ki tanhai kya qayamat hai
shabon ki sust rawi ka tujhe bhi shikwa hai
gam-e-firaq k qisse nishat-e-wasl ka zikr
rawayatan hi sahi koi bat to karte

Submit By: sajjad hayder
See Complete SMS
kamal-e-zabt

kamal-e-zabt ko khud bhi to aazmaungi
main apne haath se us ki dulhan sajaaungi

supurd kar ke use chaandni ke haathon
main apne ghar ke andheron ko laut aaungi

badan ke karb ko wo bhi samajh na paayega
main dil mein roungi aankhon main muskuraungi

wo kya gayaa ke rafaqat ke sare lutf gaye
main kis se ruth sakungi kise manaaungi

wo ik rishta-e-benaam bhi nahi lekin
main ab bhi us ke isharon pe sar jhukaungi

bichha diya tha gulabon ke sath apna wajud
wo so ke uthe to khwaabon ki rakh uthaungi

ab us ka fan to kisi aur se mansub hua
main kis ki nazm akele main gungunaaungi

jawaz dhundh raha tha nayi muhabbat ka
wo kah raha tha ke main us ko bhul jaaungi

sa’maaton main ghane jangalon ki saansen hai
main ab kabhi teri aawaz sun na paaungi..

Submit By: sajjad hayder
See Complete SMS